Prins Wilfried de eerste

Wi-j, Prins Wilfried de 1ste, heerser van de Ban tot ut Hummeke, gève ow eerbiedig te kennen en doen ow verstaon:

Ten 1ste: Dat mien carrièreplanning niet op de normale wieze verlup, ik bun namelijk eerst koning geworden en daornao pas Prins

Ten 2de: Dat wi-j ons zeer goed hebben veurbereid op disse baan want da’s nameluk mien dagelijkse bezigheid bi-j te Boekhorst in Ulft Ten

3de: Da’k dus wel denk te wette hoe’k de functie van Prins ut beste kan bekle-je

Ten 4de: Da’k de veur pas um weer te roepen da’k waarschijnlijk de letste Prins bun den in disse zaal wödt geprissenteerd……….en weer aftree-jd

Ten 5de: Dat het natuurlijk wel zo is dat disse zaal nao dit weekend weer veur een aantal maonden op slot geet, maor dat dat niet op last van de burgemeester is Ten

6de: Dat wi-j ut natuurlijk betreuren dat in Braomp zo’n bitje alles dicht geet, maar wi-j wel bli-j waren met ut sluuten van den buurtsuper bi-j ons in de straot

Ten 7de: D’r kunnen tijdens de carnavalsdage nog wel wat ongure types deur de straot hen lopen, maor daor hoeft de buurt gin zörgen euver te hebben, da’s namelijk uut bestuur die de pop kommen zetten

Ten 8ste: Dat ik wel van motorri-je hol, maor uut veiligheidseuverwegingen de banden met No Surrender heb verbròken

Ten 9de: Dat wi-j met de complete Braompse gemeenschap d’r veur motte zörgen dat dat ni-je Dorpshuis d’r raps kump

Ten 10de: Wi-j d’r dan dus ook van uut gaon dat de Prins veur ut jaor 2021 – 2022 in uut ni-je dorpshuus kan worden geprissenteerd…… en a-j interesse heb ku-j ow bi-j één van de bestuursle-je opgèven

Ten 11de: Dat wi-j dit jaor carnaval gaon vieren onder ut motto: 

      “Ut mot niet gekker worden!”
 
​Aldus gegève op de zeuventiende van de elfde in ut carnavalsjaor 2019-2020